FÌMMINA

S’arrigorda a Franca Viola, nata a Àlcamu in pruvincia di Tràpani lu 9 di innaru di lu 1947, pi èssiri statu la prima fìmmina ca rifutau lu matrimoniu riparaturi. La so è la storia di nu zitamentu, chiddu cu Filippu, chi si rumpi prestu: lu picciottu cummetti un furtu e, quannu torna di la Germania, finisci a la carzara.

Doppu ca lu patri di Franca annulla lu zitamentu, Filippu la pigghia e la porta pi na simana e qualchi jornu nta na casa di campagna a Àlcamu, abusannu di idda.Lu giùvini finisci carzaratu, ma si cunsola: lu còdici pinali di tannu, secunnu l’artìculu 544, pirmitteva d’annullari la violenza carnali grazi a lu “matrimoniu riparaturi”, un cuntrattu ntra l’accusatu e la persuna offisa.

Nni sta manera, l’accusatu nun fineva carzaratu e Franca non avissi pirdutu ne lu so onuri ne chiddu di la so famigghia. Ma Franca surprenni a tutti: suppurtata di la famigghia, rifuta ddu matrimoniu e fa accuminciari lu processu. Sulu nni lu 1981 lu matrimoniu riparaturi veni definitivamenti abulitu: supratuttu, grazi a lu curaggiu di Franca.

Lu so rifutu la purtau a addivintari una di li fìmmini chiù canusciuti di la storia di lu doppuguerra sicilianu, addivintannu un sìmbolu di la battagghia d’emancipazioni di li fìmmini siciliani duranti la storia.

Traduzioni di Accademia della Lingua Siciliana

Potete approfondire con i seguenti suggerimenti:


Lascia un commento

Il tuo indirizzo email non sarà pubblicato.

Questo sito usa Akismet per ridurre lo spam. Scopri come i tuoi dati vengono elaborati.